Taka þátt

Verkefnið er þróað og því viðhaldið af sjálfboðaliðum. Þú getur hjálpað:

Tilkynna um vandamál

Ef þú rekst á vandamál með vefinn eða F-Droid forritið, geturðu tilkynnt þau í verkskráningarformi (finndu viðeigandi verkskráningu á þessari síðu), eða rætt þau á spjallsvæðinu, á Matrix eða á IRC-rásinni (#fdroid á OFTC).

Senda inn forrit

Ef þú sérð forrit sem vantar í hugbúnaðarsafnið (eftir að hafa lesið skilyrðin fyrir innsetningu), þá máttu gjarnan leggja það fram í gegnum sérstaka þráðinn Requests For Packaging í verkskráningunni.

Ef þú ert með tæknilegu kunnáttuna sem til þarf, geturðu líka púslað saman viðeigandi lýsigögnum og sent það inn í gegnum F-Droid gagnasafnið (Data repository), wsem myndi hraða því gríðarlega hvort forritið yrði haft með.

Það sama gildir fyrir hjálp við að byggja nýjar útgáfur forrita.

Frekari upplýsingar má finna í hjálparskjölunum, eða með því að spyrja á Matrix eða á [IRC-rásinni]](https://webchat.oftc.net/?randomnick=1&channels=fdroid&prompt=1) (#fdroid á OFTC).

Þýðingar

F-Droid forritið er tiltækt á mörgum tungumálum. Ef tungumálið þitt er ekki eitt af þeim, eða að það þurfi aðhlynningar við, endilega skráðu notandareikning fyrir þig og nýttu þér þýðingakerfið til að koma inn breytingunum sem þér finnast við hæfi.

Byrjaðu á að skoða yfirlitið á Þýðingar og staðfærsla. Það er líka sérstakur flokkur á spjallsvæðinu fyrir umræður tengdar þýðingum.

Hjálpa til við þróunina

Það eru fjögur git-kóðasöfn hýst á GitLab – eitt fyrir Android-biðlaraforritið, eitt fyrir vefþjónaverkfærin sem keyra hugbúnaðarsafnið og byggja/setja upp forrit staðvært, og eitt fyrir tengdar lýsigagnaskrár fyrir forritin í aðalsafni F-Droid. Síðasta kóðasafnið meðhöndlar vefsvæðið og hjálparskjölin. Einfaldasta leiðin til að gefa af sér til þróunarinnar er að klóna þessi kóðasöfn og senda síðan inn samþættingarbeiðnir (merge requests). Ef þú ætlar að gera umfangsmiklar breytingar, er best að ræða þær fyrst á IRC-rásinni eða spjallsvæðinu, svona til að ganga úr skugga um að þær passi fyrir heildarstefnu verkefnisins, og að þær séu ekki í andstöðu við eða tvítaki aðra vinnu við þróunina.

Þegar unnið er með vefþjóns- og gagnaverkefnin, er alltaf góð hugmynd að lesa handbókina.

Hjálpa með stoðkerfi

F-Droid býður upp á marga netþjóna (byggingasvæði, vefgátt, niðurhalssvæði …) sem þurfa reglulegt viðhald, dreifingu samkvæmt Ansible-aðferð auk stýringar á vélbúnaði. Nánari upplýsingar má finna með því að spyrja á Matrix, IRC (# fdroid-dev á OFTC) eða senda póst á team@f-droid.org.